| |
Skaapland
het beste biltong in Kaap
Skaapland
Tygervallei in Rosenpark het dit weer reggekry. Die manne hier
weet hoe om met vleis te Werk en veral hoe om droëwors en
biltong van gehalte te maak. Hierdie Skaapland is die afgelope
week by die jaarlikse Wintervoedselfees in die V & A Waterfront
aangewys as die slaghuis met die beste biltong in die Wes-Kaap.
Dit is voorwaar ‘n prestasie as ‘n mens in ag neem
dat daar 72 deelnemers van oor die Wes Kaap was. Sewe beoordeelaars,
wat bestaan het uit bekendes in die kos- en vleisbedryf, is dit
eens dit is hier in die hartjie van die Tygerberg waar ‘n
mens jou biltong moet koop. Praat jy met mnr. Pieter Burger, eienaar
van hierdie vleisemporium, oor hul nuutste prestasie, is dit duidelik
dat gehalte en persoonlike diens die wagwoorde is. “ Elke
stukkie biltong word soos ‘n baba gehanteer,” het
Burger vertel. “Kruie word liggies gerooster en gesif waarna
die biltong daarmee behandel word en dan oornag in os geheime
bestanddele, wat asyn insluit, gelaat word. Die proses verseker
dat die speserye egalig deur die vleis versprei en dat jy nie
bilton dry wat aan die binnekant meer gegeur is as aan die buitekant
nie,” het hy vertel. Daarna word die biltong op ‘n
natuurlike manier gedroog, sonder enige verhitting. Skaapland
Tygervallei is ook twee jaar gelede as die Suid-Afrikaanse
braaikampioen aangewys en nou is die sirkel van boerewors na biltong
voltooi. As jy by die emporium instap, voel jy die gemoedelike
atmosfeer en jy kan jou verkyk aan al die vleis en ander lekkernye
wat te koop is. Skaapland bied ook ‘n reeks Duitse delikatesses
aan wat deur hul Duitse-vleismeester op die perseel gemaak word.
Hier kry jy altyd iets anders, soos byvoorbeeld die dubbel-door
(ontbeende hoender gevul met ontveende eend en wilde rys), koue
flerrie (ontbeende hoender met ham en kaas), Griekse lamsboud,
varknek met filet en ‘n wye reeks boerewors en sosaties
wat al wyd bekendheid verwerf het. Kom besoek Skaapland te Pasitastraat
21, Rosenpark of bel 021 914 9740 en kom kyk waaroor die bohaai
gaan.Mnr.
Pieter Burger ontvang hier ‘n diploma van Peter Veldsman,
eienaar van die restaurant Emily’s. Veldsman, ‘n beoordeelaar,
is die stegter van die biltongkompetisie.Mnre.
Pieter Burger en Rudolph Pollard van Skaapland Tygervallei vier
hul oorwinning. |
|
